CRTICE IZ KURILOVEČKOG NOGOMETNOG ŽIVOTA

O'TE VIŠE U VRAŽJU MATER VI I VAŠI SUCI..…I CELA TA ŽABOKREČINA!!!

Nema mi niš gorega neg kad u svojem piskarajnu moram posegnuti i posvetiti se ovakvom naslovu, fakat mi te sage o sucima idu „na onu stvar“ i fakat nimam vole pisati o te „pokondirene gospode“ tera me, u svoje prekomerne samodopadjivosti i samoljubivosti te baš ničim utemeljene samouvjerenosti, bahatosti i nedodirljivosti, iz tekme u tekmu jednostavno tiraju i prisiljavaju da im posvetim (ne)zasluženo vrijeme, prostor i rečenice.  

Prisećajne na prošlu sezonu još navek mi predstavlja dnevnu i noćnu moru jerbo se v cele povijesti kluba fakat ne sećam ni je'ne v tere su nam suci napravili tuliko nereda i nepravde, tuliko nas put „prepelali žedne prek vode“ i tuliko nam mukotrpno zarađene bodekov (potpisujem: 10-15) preusmerili na sasma krivu adresu. Nekak smu s'e to teška srca preboleli, z ljudskum se glupošću „pomirili“ i v arhivu ju pospravili. U velike nade i vere da bu k letu bol'e i drugačije…
Bu, kur…! Pak se sviraju već viđene i teško preživlene sudačke note, kalvarija se očito nastavlja i na ovu i inače kišnu i tmurnu jesen navlači dodatne sive i tamne oblake sumnje. V Vrapču nam je to jasno prezenterano i to v situacije kad smu domaćine totalno nadigrali, na način kak to već dugo nigdo ni uspel na terenu pri „žute hiže“. Ali kaj to vredi kad su domaćini zabili dva totalno neregularne gole i, ni krivi ni dužni, zeli bodove?! Kontra Vrbovca doma dečec teri je sudil ne svira nam čisti elver tam negde oko 70. minute, kaj je potvrdila snimka, ali i eksperti nadležni za sudačku pravdu. Ali, kaj ti i to vredi, bodovi odoše v grad poznate mesne industrije….  I Lučko je v sredu prvi gol zabilo posle prekršaja na Dode na centru igrališta, na Dodino previjanje i jaukanje oglušil se i sudec i domaćin teri je fair-play vu te situacije hitil v grabu i v nastavku akcije zabil gol. I moreš se, dragi moj – jeb…! Sad pak kontra Segeste doma imaš dojam da su suci fakat zalutali na tekmu: tuliko krive procene, tuliko nedosuđene prekršajov, razme se, na našu štetu, tuliko neosećaja za igru, nekordiniranosti…čudo je'no. I čaša se, normalno prelila i širom razlejala: Miki je popizdel na terase, precednik je ponorel na zapadne, a Sokol i inače mirni i pribrani Nino na istočne tribine. Pa nisu valda baš s'i ponoreli bez razloga i povoda?!
Razme se da se ovakvi silni protesti gospode sucima nisu baš dopali pak su posle tekme, baš kak uvređene frajlice, odbili uvriježenu i poslovičnu večeru i pobrali se domom, pravdajuć se kak još imaju važne obaveze!? I to baš s'i tri imaju velikoga posla, čak i gospon delegat, jadniki, baš mi ih je bilo žal kaj v subotnje predvečerje imaju još tuliko neodgodivoga posla i obaveze. Razme se, o vlastitemi greškami i propusti, nigde ni slova ni reči, ma kaj ni reči – niti primisli. 
E, tu sad dolazimu do onoga kaj zapraf iole normalnoga čoveka mora dopelati do ludila i natirati ga da z vlastite kože skoči van! Prepotencija, umišljenost i nedodirljivost postali su dominantni sudački atributi i epiteti, isprepleteni u zaštitnu mrežu pod okriljem koje na terenu doslovno moreju delati kaj im se prohtije i kak im se ona stvar zdigne. Gledim suca v Lučkom, čovek ni za vreme tekme prebežal više od kilometer ili dva u vrh glave, opušten i umišljen, lagani i tihi zvižduk, još laganeša šetnjica do mesta prekršaja…Pristup i nastup da te Bog sačuva, pristup koji je čisto podcjenjivanje sve druge akterov utakmice, nastup koji sugerira….“i nema drugih Bogova do mene“. Znano je da i suci moraju zadovoljiti određene kriterije da bi sucima postali, od određene visine i rasta, od limitrajućih godina…pa sve do onih koji traže određenu fizičku spremu, kretanje na utakmici, prisutnost u blizini događaja, osjećaj za igru….Da inzistiramo na bilo kojem kriteriju od netom pobrojanih, onda bi sudac v Lučkom bez ikakvih dilema zaslužil čvrstu i zabetoneranu negativnu i neprolaznu ocjenu! E, sad pak dolazimo do drugoga krucijalnoga pitajna: a do bi mu, prosim vas lepo, tu negativnu ocenu zapisal? Možda bi gospon delegat to bil dužen…..ma kaj god, najte biti mala deca. Kakav jeb… delegat, kaj bu potepal vreme posle teme i pisal „Markove konake“ kad cela priča stane v dve Bogom dane rečenice: 1. z mesta na kojem sam se nalazil nis mogel najbole videti…..2. Sudačka trojka dobro je obavila svoj posel, vuz mejne greške….I amen tetec, tu je početek i kraj s'ake službene utakmice, svi su sretni i svi zadovolni, svi iz redova tzv, službene osobe pokriveni, prikriveni, zaštićeni i – bezbrižni. Drage moje službene osobe, a kaj je vu te cele vaše priče z dečkima, z igračima, trenerima… kaj je z nihovemi putovajnima na zahtjevne treninge, odricanjima, nadama i željama….kaj je z njihovem viđenem učinkom na terenu teri je izigran i obezvređen, a oni izvrgnuti ruglu i tragikomedije??? Ma kakvi igrači, kakvi treneri….ko ih je…nek sreću poiščeju na neke druge tekme, prvenstvo je ionak dugo i trajalo bu skoro do Božića!?
Kad sve to prolazite iz vikenda vu vikend, iz kola vu kolo, onda fakat ne mrete dojti do drugoga zaključka osim da su ti naši suci fakat Bogom dani i gotovo bezgrešni i savršeni. Pa komu se to, prosim vas, od sucov dogodila kakva nepogoda, ko je to oj'dne nastradal ili bil kažnjen za svoju prezentaciju sudačke pravde, jeste možda kaj takvoga negde mogli prečitati?! Niste, razme se, ni pod razno, jer to ionak spada u sferu strogo poverljivih izvještaja i „službene tajne“ nadležnih povjerenika i institucija, to ionak ne sme svetlo dana videti….Ali, zato ste sigurno milijon put na terenu videli scenu v tere je igrač na evidentnu sučevu pogrešku reageral prigovorom, čak kulturnem i v granicama dozvoljenog, ali je bez obzira na to mam i pod hitno bil kažnjen opomenum iliti žutem kartonom. „A do si ti i kaj buš ti, balavec jeden, mene, je'nomu sucu – prigovaral!?“ I sve dok se sucima bude toleriralo da svoje zablude i frustracije, u konačnici i nesumnjive pogreške, liječe na ovakav i slične načine u okviru prevelikog slobodnog sudačkog uvjerenja, nikak ne bu dobro i ne mre biti dobro. Nedodirljivost, bilo čija, a sudačka nadasve, bahatost i samoljublje, nikomu i ničemu ne mreju donesti dobro, nogometu – najmene!
V cele te priče skriva se i je'na, nazovi olakotna okolnost za te čudne sudačke „putešestvije i tragikomedije“. Poznato vam je da nogomet pratim pune pedeset let i to z neposredne blizine i z prvoga reda, pak morem argumenterano i z „pedigreom“ posvedočiti kak je kvaliteta sucov, kaj uključuje i ovu našu III HNL centar, v ozbiljnom i zabrinjavajućem – opadajnu. Očito se s'e mejne mladeži i stareži, a ponajmejne bivše igračov, odlučuje za „poziv i status“ nogometnoga suca. Bez masovnosti nema ni selekcije ni kvalitete, prisiljen si zeti s'e kaj ti dojde i kaj ti se ponudi, a kad je tomu tak, onda je i konačni i v ovom tekstu opisani rezultat – adekvatan uloženomu i logičan.
Završno dolazi i najteža tema: i vrapci na grane znaju da ima klubova koji tradicionalno „delaju sa sucima“, ma kaj god to značilo i skrivalo vu sebe. Uostalom, to vam budu, onak v opuštenijem i malko „intimnijem“ spominku i v trenucima slabosti i preteranog poverenja, i to bez imalo srama ili nelagode, priznali i čelnici tih i takvih klubova, klubova „delancov“. Isti ti vrapci takaj znaju da naš klub ni pod razno ne spada med te „delance“, a znaju to i s'e nadležne osobe i institucije. Zaključak se nameće sam po sebe i više je neg očit i jasan: z takvem pristupom, v terem ti je poštejne “sveto pismo“ i „otec i mati“, moreš si, zapraf – rit obrisati. I ne samo to, čak buš za te svoje zablude oko poštejna kakti temelja života i loptajna – dobro i debelo najebal. Jerbo one „delancov“ baš i ni tak malo, a ti sekak ze sakem oj'dne moraš odigrati tekmu, a onda – zna se…I onda se pitaš kakvoga, zapraf, s'e to skupa ima smisla, kam je nestal sport, nadigravajne, viteštvo…..kam je nestal čovek?! I kaj buš zutra rekel igračima v svlačionice, kaj im buš rekel na sastanku z upravum, kak ih buš motiveral, kaj jem se s'e zlagal da popraviš lažnu sliku i isto takov dojam….ma kaj buš, niš, moreš se jeb…jer dečki nisu „jajnci za šišajne“ niti „stoka sitnog zuba“ i svesni su da ih se vane uzima i krade, a doma jem ne mreš osigurati ni ono normalno suđejne, a normalno je v naše „mašte“ ono tero znači 50:50%.... i niš nam pri tem ne morate ni dati ni pokloniti….
Eto, zbog s'ega napisanoga mi se ta tema oko sucov tuliko gadi da sad jednostavno moram prekinuti pisajne i popiti si jen pelinkovec kak bi na vreme sprečil moguće povraćajne. Fakat je i taj naš nogomet zašel v jenu preveliku žabokrečinu, a kak sem i sam del toga nogometa, onda se i ja osećam delom te žabokrečine i, analogno tomu – posrano.  I tak posran čera gledim tekmu kontra Segeste doma, iste one Segeste tera je na kraju proljetne sezone bila zajdna i, gle vraga – nikam ni ispala, kaj čak ni v Tunguzije ni moguće, ali zato v „lepe naše“ je. I gle sad i drugoga vraga, ne samo da ni ispala neg se sisačka „stara dama“ zdigla z pepela, negde se domogla penez pak sad nezine boje brani i pet, šest tamnoupute igračov, jeden opasni Ukrajinec, s'e redom građani Europske unije i s'e redom izdanki Segestine škole nogometa….i onda je bogec trener prisiljen upute za vreme igre deliti na engleskom kak bi ga s'i negvi igrači razmeli i negve ideje svatili i proveli v veliko nogometno delo….
Zato bi ja, da sem recimo Bog i batina v savezu, mam na početku sezone donesel odluku, razme se bez prava prigovora ili ne daj, Bože, kakve žalbe (do se žali mam dobi po žepu) po tere bi jasno odredil: ove sezone pravo na borbu za viši rang imaju npr. Karlovac i Segesta, bez obzira jel budu prvi ili zajdni na tablice, iduće sezone Lučko i Vrbovec,…2025. Maksimir i Vrapče…..2035. Kurilovec i Lukavec. Tak bi s'i lepo mogli igrati i živeti v miru i v miru Božjem se pripremati za sezonu kad bumu mi došli na red. Ovak se s'ake sezone bez veze loptamu i živceramu, kuvamu, krademu i namešćamu i pri tem velike peneze trošimu….I umesto mira, razonode i nogometnoga blagostajna imamu nogometnu – žabokrečinu. Pak komu je to v interesu i komu to služi na čast?!
Moram priznati da mi je na kraju žal kaj sem tulike rečenice potrošil na ovu mrsku mi temu, a ni rečenice nis napisal o naše mladeži, o bele, o Ćire i GM-u….Niti o škrtomu precedniku teri je Filu i Robija z klupskum karticum poslal v nabavu mesa za roštilj pak su dečki ostali zevati kad jem je blagajnica rekla da na kartice nima ni lipe pak si ž'num moreju rit….Jadni naš preokuperani i prebukerani precednik dečkima je dal krivu karticu, onu na tere ima penez čuva doma pod blazinum…
Dragi moji, am i sami znate da ni med cvetjem ni pravice pak zakaj bi je onda baš v nogometu moralo biti…uostalom Savez je pun k'o brod, brojni i ini povjereniki i nadležne im institucije takaj, službene si osobe čez vikende poprave saldo…..pa prosim vas lepo, do i de vidi ikakvoga razloga za remetiti tu i takvu – nogometnu idilu. To bi fakat bilo van pameti i bogohulno….Zato se i mi v Kurilovcu bumu naoružali dodatnim strplejnem i poniznošću maloga mišeka, vreme ionak brže leti pak bu za čas osvanula i ta 2035. godina!